Przed akcją...

https://www.youtube.com/watch?v=CwFkfqCLbCE
Alarm, alarm - poli sie“

Już sie fojermany do kupy zebrali
I konie do woza pozaprzyngali
Hełmy na gowach majom świyconce
A wody we fasie ze dwa tysionce

Ślyście nom z drogi, do łognia jadymy
Kiej bydzie ciżba to niy zdonżymy
Poli sie chałpa łod gupi świycki
Niy dali pozor, tak bywo wdycki

A tu musza dodać co:
Ze dwie godziny sie pakowali
Wypiyli piwo nim sztartowali
Dziepiyro teroski:

Jedzie fojerwera, trombka głośno gro
Tyn co we nia dmucho srogo wampa mo
Czerwony kichol bo z niego tintała
Bezto zachrapociało trombka ta grała

Na wiyrchu siedzom, same jurne zuchy
Łod jedzynio i picio majom tuste brzuchy
Spocone chopiska, ciynżko dychajom
Mieli wczoraj zabawa i to „przeżywajom”

Patron fojermonów to jest świynty Florek
I z niy jedny flachy wylecioł tam korek
Jak kamela woda - piwsko tyż dojyli
Teroz sztajfni siedzieli - bo ledwo co żyli

Przijechali do łognia chałupa zgorano
Dobrze co jim piwska łostało na rano.