wszystkim karlusom ;) kerzy dziś majom swoj dziyń łazarza;)

Dziyń Łazarza...;)
Jaki dzisio momy miano , abo jaki świynto?
Tela chłopów pod kwiaciarniom przeca niepamiyntom.
Stojm w raji i kupkami - słysza co godajom.
Roztomaite, piykne kwiotki z kwiaciarni wynoszom
Tyn panoczek ,tyn strzapaty oczy mo zaspane
z rana wypioł se piweczko i mo nachytane
O! - Już dźwigo kosz na grzbiecie, w nim czerwone róże
Swoja ślubno hnet przekupi i zażegno burze
Był tyż taki co nie nosił od parady gowy
Toni kwiotek ślubnyj kupioł, a drogszy teściowyj
Bo choćby sie w życiu miało jak miód słodko żona
Lepszy dobrze żyć z teściową, bo weźnie w obrona.
Już tak stojom ze godzina - marudni , nerwowi

Tyn ryszawy gożdzik kupioł - gizd je szporobliwy!!!
A tyn szwarny, tyn w postrzodku we dżinsy obleczony
Trzi perfumy w gorści trzimo - czy wszysko dlo żony ?!
Nima on ci taki szczodry, w żonce złość sie zbiyro
Kiej z roboty szfarne dziołuchy do auta przybiyro
Dołbyś se z tym przeca pokój - wadzi sie snim baba!
Weź mie choć roz na Równica , to bych była rada
Siedlibymy se pod brzózkom, w ciyniu wedle lasu
Ale Ciebie, mój nojmilszy, dycki braknie czasu
Roz zebrani ci sie trefi, roz mosz szmak na piwo
Jak wodziczka wartkim nurtym żywot nasz upływo...https://www.youtube.com/watch?v=B5fESuOFzYI