Przykludzioła sie dziso do nos Wiosna , ciongła na kołkach wielgachny kofer i dwie wielgie tasze.We jednyj taszy mo to co bydzie dziynnie potrzebowała,w drugiyj pyndzle , farby co bydzie nom świat malowała.Na samym dnie kofra mo strzybno giskana,tako czarodziejsko coby wszystko rosło jak bydzie podlywała.Szczewików mo roztomańte kalibry ,robocze lonty tysz se przysmyczyła i zonbrele kej bydzie ze słońcym po polach łazić. Wyciongła wszystko i rowno poukłodała , coby pod rynkom miała.Na koniec zmynczono se zicła fona do rynki wziyna i zadzwonioła...halllooo ziymia ,halllo wiater ...halloo słonko , halo łobloki...na dziso wos szteluja...zaroski sie do roboty bierymy ludziskom ciepłe słonecznie dni narychtujymy,,,...